Социалдык кызматтар

Жумушсуздар — эмгек акысы (кирешеси) бар жумушу же иши жок, ишке орношуу же ылайыктуу жумуш тапкысы келген жана аны баштоого даяр болгон эмгекке жарамдуу курактагы жарандар.

Курагы боюнча пенсияга 63 жашка толгон эркектер, 58 жашка толгон аялдар укуктуу. Жалпы негиздерде курагы боюнча толук пенсия дайындоо үчүн эсептик камсыздандыруу иш стажы: эркектер үчүн - 25 жылды, аялдар үчүн - 20 жылды түзөт.

Инвалиддик боюнча пенсиялар эмгекке жарамдуулугун биротоло жоготкондо жана адам инвалид деп табылганда майыптыктын келип чыгышынын себебине карабастан белгиленет жана эмгекке жарамдуулугун калыбына келтиргенге чейин же өмүр бою төлөнөт.

Багуучусун жоготуу боюнча пенсияга кантип кайрылса болот.
Каза болгон адамдын багуусунда болгон эмгекке жарамсыз үй-бүлө мүчөлөрү, эгерде баккан адам каза болгон күнгө карата 1 жылдан 5 жылга чейин стажы болсо, багуучусун жоготуу боюнча пенсия алууга укуктуу. Эгерде багуучунун дайынсыз жоголгондугу сот тартибинде ырасталса, дайынсыз жоголгондордун үй-бүлөлөрү каза болгондордун үй-бүлөлөрүнө теңештирилет.

Жөлөкпул - убактылуу эмгекке жарамсыздык, кош бойлуулук жана төрөт учурлары пайда болгондо мыйзамда белгиленген өлчөмдө жана шарттарда төлөнүүчү төлөм.